Smog

Det klør i halsen, sjølv om eg puster gjennom skjerfet mitt. Når eg endelig kjem inn og kan puste friare, luktar håret røyk, men ikkje koseleg god bållukt. Det er sur lukt. Skjerfet er også gråare enn sist. Smog! Dårleg luftkvalitet. Bergen, versting i Europa! No har eg vore inne lenge, men halsen svir framleis. Trass fleire koppar te og sjokkinntak av halslinser.

Kommunen oppfordrar til å la bilen stå, men i dag tidleg var det likevel ein jevn straum av bilar over Puddefjordsbroen. Ein skulle latt folk få fri. Eg kunne droppa skule nokre dagar til fordel for betre byluft. Det kan vel ikkje ta så altfor lang tid før Bergen får regn og varmegradar igjen. Kan det vel?

Imens får eg draume om frisk fjelluft og krystallklar utsikt.