Det skal så lite til

Eg var litt sur, då eg vakna i dag. Det hang igjen frå i går. Eg hadde nemlig bestilt bilder i stort format frå FotoKnudsen. Då eg henta dei, viste det seg at det var gjort dårleg arbeid. Eg klaga. Dei sa eg skulle komme inn igjen i dag med filene, så kunne dei gjere det på ny. Eg var ikkje overbevist. Eg var sur også fordi eg ikkje hadde tid til å komme innom igjen. Eg hadde ikkje noko val. Eg måtte innom igjen i dag. Bildene er jo gaver som Anne og Tshepo skal få i kveld på avskjedsfest.
Då eg kom inn på FotoKnudsen i dag, tok dei minnepinnen, og sa dei skulle gjere det så fort som mogleg, men at det var mykje dei hadde på seg frå før. Eg forklarte at det hasta, men kvinna bak disken forklarte at eg måtte nok vente. Dei skulle sende meg sms når bildene var ferdige.
Eg trudde det skulle gå timar. Eg blei overraska då det 40 min seinare tikka inn sms: "Din ordre er klar for avhenting".
Dermed sprang eg lystig til butikken. Kvinna forsikra seg om at eg no var fornøyd, og lot meg også få med dei ikkje så vellykka kopiene. Og sjølvsagt skulle eg ikkje betale noko meir! Eg var ikkje sur lenger, men ganske så glad og fornøyd.